gulminews logo
शुक्रबार, २०७९ जेष्ठ ६

केन्द्र विवादको अलमलमा स्थानीय तह, पार्टीभित्रै भुगोलको गुट

Share on facebook
Share on twitter
Share on whatsapp
Share on email

टोपलाल अर्याल
गुल्मी, २१ फागुन। स्थानीय सरकार संचालन ऐन २०७४ मा निर्वाचन सकिएको छ महिनाभित्र बहुमतले स्थानीय तहको नाम र केन्द्रको टुंगो लगाउनुपर्ने उल्लेख छ । तर, जिल्लाका तीन स्थानीय तहमा अझै केन्द्र बिवाद हुँदा विकास निर्माण, प्रशासनिक कार्य संचालनदेखि बिषयगत कार्यालय प्रभावित भएका छन् । आम नागरिकले केन्द्रलाई हेरेर बनाउने व्यावसायीक योजना पनि अन्यौलमा देखिएको छ ।

क्षेत्र नं २ मा मात्रै केन्द्र विवाद

मदाने गाउँपालिकाको केन्द्रको चर्चामा रहेको मदाने गाउँपालिका ६ को पुर्कोटदह ।

जिल्लाको क्षेत्र नं २ का तीन गाउँपालिकामा मात्रै केन्द्र विवाद देखिएको छ । मदाने गाउँपालिकाको कामकाज वडा नं ६ पुर्कोटदहबाट भइरहेको छ । भने केन्द्रका लागि पुर्कोटदह र म्यालपोखरी चर्चामा रहेका छन् । केन्द्र विवादका कारण भौतिक पुर्वाधार विकास अन्यौलमा परेको छ । इस्मा गाउँपालिकाको केन्द्र पनि अझै टुङ्गो लागेको छैन । व्यक्तीको घर भाडामा लिएर गाउँपालिकाको कार्य संचालन गरिएको छ । केन्द्र बिबादले गाउँपालिकाको भौतिक निर्माण कार्य अलपत्र छ । अहिले कर्मचारी उठेर सेवा दिनुपर्ने अवस्था आएको छ । मालिका गाउँपालिका केन्द्रको विषय त झन् अदालतसम्म पुग्यो । राजपत्रमा मालिका गाउँपालिकाको केन्द्र साविक अर्खबाङ्ग गाविस कार्यालय भनी प्रकाशित गरियो जहाँ अहिले वडा कार्यालय मात्रै छ । गाउँपालिकाको प्रशासनिक कार्य वडा कार्यालयभन्दा पाँच सय मिटर टाढा बहुउदेश्य सभाहल निर्माण गरेर संचालन गरिएको छ ।

पार्टीभित्रै भुगोलको गुट

जिल्लाको निर्वाचन क्षेत्र नं २ का इस्मा, मालिका र मदाने गाउँपालिकाको केन्द्र बिबाद साढे दुई बर्षदेखि सल्टिएको छैन । मदाने गाउँपालिकामा दुई तिहाई मत नेपाल कम्युनिष्ट पार्र्टी (नेकपा) का जनप्रतिनिधीकै पक्षमा छ । तर, केन्द्रको बिषयमा भुगोल अनुसारको पार्टीभित्र गुट देखिएका छन् । मदानेमा पुर्कोटदह वा म्यालपोखरी भन्ने बिषयले केन्द्र टुङ्गो लागेको छैन । नेकपा मदाने गाउँपालिका अध्यक्ष प्रेम केसीले विवादभन्दा पनि जग्गाको समस्याका कारण केन्द्र टुंगो नलागेको बताए । ‘पुर्कोटदहसंगैको संभावना म्यालपोखरी हो, सभाहल पनि बनाएका छौ तर जग्गा छैन,’ केसीले भने, ‘जनप्रतिनिधीको केहि मतभेद भएपनि छलफलबाटै निकास निकाल्छौ ।’ इस्मा गाउँपालिकामा पनि वडा नं ५ चाँपटारी र साविक कार्यालय रहेको स्थान चर्चामा छन् । तर, अहिले अन्यत्र पनि बहस हुन थालेको गाउँपालिका अध्यक्ष लक्ष्मण बिष्टले बताए । उनले सवैको भावना समेटन खोज्दा ढिला भएको बताउँदै समाधानका लागि कार्यदल गठन गरिएको बताए । त्यसका लागि अझै पनि संवाद र छलफल भइरहेको बताए । इस्मा गाउँपालिकामा छ वडा छन् । वडा नं १ बाहेक सवै वडामा नेपाल कम्युनिष्ट पार्र्टी (नेकपा) नै बिजयी भएको छ । मतको हिसावले पनि नेकपाकै जनप्रतिनिधीमा मत नबाझिए केन्द्र समस्या हल हुन्छ । नेपाल कम्युनिष्ट पार्र्टी (नेकपा) इस्मा गाउँपालिका इन्चार्ज दल बहादुर विकले मत र विवाद नेकपाकै जनप्रतिनिधीभित्र भएको बताए ।

केन्द्र विवाद सर्वोच्चसम्म

द्धन्दका कारण तत्कालिन अर्खाबाङ्गको गाविस कार्यालय थिएन । शुरुमा मालिका गाउँपालिका कार्यालय वडा नं ४ ठुलीचौरको महिला समुहको भवनबाट गाउँपालिका संचालन गरियो । ठुलीचौरको बिषयमा पछि मतभेद देखिए । ठुलीचौरदेखि करिव पाँच सय मिटर टाढा बहुउदेश्यीय सभाहल निर्माण गरेर गाउँपालिकाको काम भइरहेको छ । त्यो बिषयमा जिल्ला, पुनरावेदन हुँदै सर्वोच्चसम्म पुगेर धेरै पटक आफुहरुले सास्ती खेपेको गाउँपालिकाका प्रवक्ता शोभाखर गिरीले बताए । अदालतले अहिले त्यो विवाद फुकुवा गरेपनि मुद्धा दिने पक्ष अझै सन्तुष्टनै छन् । तर गाउँपालिकाले जनशक्ति बढि र भौतिक संरचना कम भएका कारण अर्को भवन निर्माण गर्ने योजना बनाएको प्रमुख प्रशासकीय अधिकृत दिपक भण्डारीले बताए ।

विवाद नभएका केन्द्र चम्किदै

धुर्कोट गाउँपालिकाको केन्द्र बरवोट हो । बरबोटको चमक फेरिएको छ । पहिलेको खुल्के डाँडो अहिलेको अवस्थामा आउने कसैको कल्पना थिएन् । गाउँपालिकाले आवश्यक सवै संरचना बरबोटमा निर्माण गरेको छ । बरकोट आसपासमा सडक पिच गर्नुका साथै धमाधम खुलेका होटल र पसलले केन्द्रको रौनक बदलिएको छ । मुसिकोट नगरपालिकाको केन्द्र वामी हो । वामी पहिलेकै व्यापारीक केन्द्र भएपनि पछिल्लो समय बसाईसराईले सुनासान थियो । तर नगरपालिकाको स्थापनासंगै अहिल बसाईसराई रोकिएको मात्रै छैन् । गाउँबाट विभिन्न पेसा व्यावसाय गर्न वामी झर्नेहरु बढ्न थालेको स्थानीय लोक प्रसाद छन्त्यालले बताए । तर केन्द्र विवाद भएका स्थानीय तहको केन्द्र निर्धारण नभएकाले जनप्रतिनिधी मात्रै नभएर स्थानीय नागरिक समेत अन्यौलमा रहेका छन् । ‘जनप्रतिनिधीको कार्यालय सकिने बेला भए पनि केन्द्र बिवाद सकिएन,’इस्मा गाउँपालिका ६ का सुजनचन्द्र गौतमले भने,‘ केन्द्र बिवाद नभएका स्थानीय तहका केन्द्र चम्किन थालेका छन् ।’ नेताको जुँगाको लडाइँले केन्द्रको बिषय गुम्राहामा परेकोले आम नागरिकको व्यावसायीक वा अन्य मानसिकता बनाउन नसकेको गौतमले बताए ।

यो पनि पढ्नुस्

मेयर पन्थीका उत्साहित संकल्प: साढे दुई घण्टामा बुटवल–तम्घास, भ्रष्टचार हुन दिन्न, सिफारिस नपाएर रुन दिन्न

टोपलाल अर्यालगुल्मी, १ जेठ । रेसुंगा नगरपालिका नव–निर्वाचित मेयर खिलध्वज पन्थीले नगरमा अब कसैले भ्रष्टचारको

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D