जिल्ला समाचार

ओझेलमा राजा विरेन्द्रले आषिश लिएको गुल्मीको ‘हिले सिद्धबाबा’

कौरव खत्री

गुल्मी २९ असोज । गुल्मीको ऐतिहासिक धार्मिक तथा पर्यटकीय क्षेत्रको तपोभूमि प्रसिद्ध हिले सिद्ध बाबा अझै पनि ओझेलमा रहेको छ ।

oznor

सत्यवति गाँउपालिका ३ ठूलोलुम्पेक बुझुङमा रहेको प्रसिद्ध हिले सिद्ध बाबा तत्कालिन समयमा पाल्पाका स्व.गुरु बाला कुलानन्द घिमिरेले ३६ बर्ष तपस्या गरेको तपोभूमिमा २०३६ सालमा स्व.राजा विरेन्द्र विरविक्रम शाहले आर्शिवाद लिएको स्थलका रुपमा परिचित रहेको छ ।

तत्कालिन समयमा देशमा निर्दल र बहुदल बीचको जनमत संग्रहमा राजा विरेन्द्रलाई स्व. बालागुरु कुलानन्द घिमिरेले राजाकै जित हुन्छ भनि आर्शिवाद दिएर पठाएका थिए र जनमत संग्रहमा राजाकै जित भएर सत्य प्रमाण भएको सत्यवति गाँउपालिका ३ गुल्मीका अध्यक्ष यमबहादुर सुस्लिङमगरले बताए ।

तत्कालिन समयमा स्व.राजा विरेन्द्र हिडेरै आर्शिवाद लिन हिले सिद्धबाबा पुगेका थिए । हिले सिद्ध बाबामा गत असार २६मा स्याङजाका ३२ बर्षीय बाला गुरु अभिषेश पाण्डेले शुरु देखि नै भोकै कठोर मौन तपस्या गरि बसिरहेका छन् ।समुन्द्र सतहदेखि २हजार ५२ मिटर अग्लो उचाईमा अवस्थित रहेको हिले सिद्ध बाबाको दर्शन गर्नका लागि मोटरबाटो छोडेर झण्डै १ घण्टाको उकालो पैदल मार्ग भएर पुग्न सकिन्छ । जैविक र प्राकृतिक विविधताले भरिपूर्ण हिले सिद्ध बाबा मन्दिरमा वरिपरि घना जङगलले घेरिएको बीचको उपत्यका जस्तै रहेको प्रसिद्ध हिले सिद्ध बाबा जिल्लाकै राम्रो तपोभूमि भएकोले यहाँ थुप्रै जैविक विविधतासँगै धार्मिक तथा पर्यटनको प्रचुर संम्भावना रहेकोले आन्तरिक तथा बाह्य पर्यटकहरु भित्र्याउन सकिने हेलिकप्टर सोसाइटी अफ नेपालका महासचिव योगराज कंडेल शर्माले बताए ।

हिले सिद्ध बाबाको दर्शन गर्न जाने शद्धालुभक्क्तजनहरुको सहजताको लागि सत्यवति गाँउपालिकाको आर्थिक सहयोगमा केहि मात्रमा पैदल मार्ग निर्माण गरिएको छ । प्राकृतिक र जैविक विविधतायुक्क्त धार्मिक तथा पर्यटकीय क्षेत्रको प्रचुर संम्भावना बोकेको प्रसिद्ध हिले सिद्ध बाबासँग बर मागे सबै मनोकाङ्क्षा पूरा हुने धार्मिक जनविश्वास रहेको छ ।

साथै अध्यक्ष सुस्लिङमगरले भने हिले सिद्ध बाबाको एतिहासिक महत्वबारे मगर भाषामा हि भनेको के र ले भनेको छ भन्ने हो भन्दै यहाँ केछ भन्ने अर्थ रहेको पाका पुस्ताको भनाई रहेको भन्दै उनले भने हिले जे पनि छ, र सोचेका र आटेका कुरा पुग्छ भन्ने मान्यता रहेको छ ।यस क्षेत्रका स्थानीय बासिन्दाहरुले नयाँ अन्तपात घरमा भित्र्याउदा र गाई भैसी पहिलो दुध हिले सिद्ध बाबालाई चढाएर मात्र भोकचलन गर्ने प्रचलन समेत रहेको अध्यक्ष सुस्लिङमगरले जानकारी दिए ।

हिले सिद्ध बाबाको मन्दिरबाट मनोरम दश्यावलोकन गरि प्राकृतिक सुन्दरतासँगै रमाउने र मनका चिन्तामुक्क्त गर्ने र तपोभूमि थलोको रुपमा लिन सकिन्छ । हिले सिद्ध बाबाको महत्व र इतिहासबारे स्थानीय तहदेखि राष्ट्रिय स्तरसम्म प्रचार प्रसार गरिदिन आमसञ्चारमाध्यमलाई समिति अध्यक्ष सुस्लिङमगरले आग्रह गरे

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D