प्रवास

अस्ट्रियाको भियनामा नेपाली महिलाद्वारा ३ छोरीहरुको हत्या, आफै पुलिसलाई फोन गरिन्

भियना, अक्टोबर १७ । युरोपेली मुलुक अष्ट्रीयाको राजाधानी भियनामामा एक नेपाली महिलाले आफ्ना छोरीहरुलाई मारेर आफैले स्थानिय प्रहरीलाई खबर गरेकी छन् । शनिबार भियनास्थित दोनाउस्ताडमा स्थानिय समय बिहान साढे ५ बजे ३१ बर्षिया ति महिले बच्चाहरुलाई मारेर आफु पनि आत्महत्या प्रयास गरेको बारे प्रहरीको आकास्मिक नम्बरमा फोन गरेर खबर गरेको स्थानिय पत्रीका क्रोनेले समाचार छापेको छ ।

पत्रिकाको अनुसार ३१ वर्षिया नाम नखुलाईएकी ती नेपाली महिलाले आफ्नै अपार्टमेण्टमा ३ जना छोरीहरुको हत्या प्रयास गरेर पुलिसलाई खवर गरेकी हुन् । तीन बच्चा मध्ये सबै भन्दा सानो बच्चा ८ महिनाकी बलिका भएको र अरु बालिकाहरु नौं र तीन वर्षका भएको पत्रिकाले जनाएको छ ।

प्रहरी घटना स्थलमा पुग्दा एउटा बालिका जिवित नै रहेको र ती नौ वर्षकि छोरीलाई अस्पतालमा लगिएको थियो तर अस्पताल पुर्याएको झन्डै एक घण्टापछि उनको मृत्यु भएको प्रहरीलाई उदृत गर्दै पत्रीकाले जनाएको छ । मृतक तिनै जनालाई कुनै चोटपटक नलागेको र निस्सासिएर मृत्‍यु भएको प्रारम्भिक अनुसन्धानबाट खुलेको बताईएको छ ।

घटनाको कारण अझै स्पष्ट नभएको र मृतक बच्चाहरुको बुवा पनि भियनामै रहेको तर छुट्टै बस्ने गरेको पत्रिकाले लेखेको छ । भियनामा ५ सय भन्दा धेरै नेपाली र धेरै नेपाली परिवारहरुको बसोबास छ ।

समाचार स्रोत: क्रोने पत्रिका

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D