बाग्लुङ ,१ बैशाख -आइतवार दिउँसो २ बजेबाट बाग्लुङमा परेको भीषण असिनापानीले स्थानीय त्रसित र आतंकित बनेका छन् । बाग्लुङको गौंदीखोला आसपासमा बाढीले खेत बगाएको स्थानीय गुमानसिह बुढाथोकीले जानकारी दिए। दुदिलाभाटी अंग्रेजी स्कूल सहित स्थानीय ईश्वर बुढाथोकी , १ नम्बर वार्ड अध्यक्ष नेत्रबहादुर बुढाथोकी, होमबहादुर नेपालीको घरमा बाढी पसेको छ । दुदिलाभाटी उपस्वास्थ्य चौकीमा पनि बाढी पसेको बुढाथोकीले बताए।
गौदीखोलाले हटिया प्रहरी चौकी नजिकै रहेको पुल पनि बगाएको इलाका प्रहरी कार्यालय गलकोटले जनाएको छ। यो समाचार तयार पार्दा (साझ ७ बजे ) सम्म पनि निरन्तार मुसलधारे पानी परिरहेको स्थानीयले बताएका छन । हटियाबजार क्षेत्र उच्च जोखिममा रहेको पत्रकार घनश्याम गौतमले बताए ।असिनाले गहूँ सहित तरकारीबाली नस्ट गरेको छ ।
बागलुङको दुदिलाभाटि क्षेत्रमा आएको भिषण पानीका कारण दरमखोलामा वाढि आएको तथा नरेठाँटि र हटिया क्षेत्रका केहि घर हरु समेत वगाएको भन्ने सुचनाका आधारमा तटिय क्षेत्रमा रहनुहुने महानुभावहरुलाई सुरक्षीत स्थानमा रहनुहुन तथा आवश्यक सजकता अपनाउनुहुन हार्दिक अनुरोध छ।
साभार: ढोरपाटन न्युज !
