हुमाकान्त पोख्रेल
गुल्मी, मंसिर १८ । गएको मंसिर ९ गतेदेखि वेपत्ता भएकी पर्बतको बिहादी गाउँपालिका ३ रानीपानीकी १७ बर्षिय मेनुका श्रेष्ठ अझै फेला परेकी छैनन् ।
उनी गुल्मी र पर्बतको सिमाना कालिगण्डकी नदिमा हाम फालेर बेपत्ता भएको प्रहरीले जनाएको छ ।
कालिगण्डकी गाउँपालिका पुर्तिघाट प्रहरी चौकीका प्रहरी साहायक निरीक्षक खिमानन्द खनालले किशोरीले नदिमा हाम फालेको जानकारी दिए ।
जिल्ला प्रहरी कार्यलय पर्बतका प्रहरी निरीक्षक भुवनेश्वर तिवारीका अनुसार गुल्मी र पर्बतको प्रहरीले खोजी कार्य जारी राखेको छ, तर अझैसम्म सास वा लाश केहि फेला परेको छैन । गुल्मीको कालिगण्डकी गाउँपालिका पुर्तिघाट र पर्बतको रानीपानी जोडने पुलबाट श्रेष्ठले हाम फालेकी थिइन् ।
हाम फाल्नुको कारणबारे पनि अनुसन्धान भईरहेको प्रहरीले जनाएको छ ।
