त्रिभुवन अन्तराष्ट्रिय विमानस्थलमा ७१ जना यात्रु बोकेको यूएस बंगलाको विमान दुर्घटना

२८ फागुन, काठमाडौं । त्रिभुवन अन्तराष्ट्रिय विमानस्थलमा यूएस बंगलाको विमान दुर्घटना भएको छ । अवतरणका क्रममा विमान दुर्घटना भएको हो । दुर्घटनाग्रस्त विमानमा रहेका १४ जनाको उद्दार गरिएको छ । विमानमा चालक दलका सदस्यसहित ७१ जना रहेको खुलेको छ ।

उनीहरुलाई अस्पताल पठाइएको छ ।

बंगलादेशबाट आएको विमान अवतरणका क्रममा दुर्घटनामा परेको हो । उद्दार जारी छ । तर, विमानमा लागेको आगो अझै नियन्त्रणमा आउन सकेको छैन ।

प्रत्यक्षदर्शीहरुका अनुसार विमान अनियन्त्रित भएर आएको थियो । अहिले विमानमा आगो लागेको छ । उद्दार कार्य जारी छ । विमान दुर्घटनापछि उडान तथा अवतरण रोकिएको छ ।