गुल्मी, माघ १७ । नेपाली कांग्रेस गुल्मीका सभापति खिलध्वज पन्थीले शहरी विकास मन्त्री रामकुमारी झाँक्रीको ध्यानाकर्षण गराएका छन् । सोमबार शहरी विकास मन्त्रालयमा पुगेका गुल्मी कांग्रेसका सभापति पन्थीले मन्त्री झाँक्रीलाई जिल्लाको सदरमुकाम तम्घासमा पर्याप्त सीट क्षमता भएको सभाहल नभएको भन्दै ध्यानाकर्षण गराएका हुन् ।
सभापति पन्थीले सदरमुकाम तम्घासको रेसुङ्गा नगरपालिकामा दुई हजार सीट क्षमता भएको सुविधा सम्पन्न सभा हल निर्माण गर्नको लागि आवश्यक बजेटको व्यवस्था गर्न मन्त्री झाक्रीसंग आग्रह गरे । उनले आ.व. २०७८/०७९ बाटै काम सुरु हुने गरी योजना अगाडी बढाउन मन्त्री झाँक्रीलाई आग्रह गरे ।
