गुल्मिन्युज
८ असोज, गुल्मी । निरन्तरको बर्षातले जिल्लामा धेरै तिर साना ठुला पहिरो जाँदा लाखौँको क्षति भएको छ। जिल्लाको गुल्मीदरबार गाउँपालिका वार्ड नं. २ (साविक जुभुङ्ग) को घुर्मी सातडाँडा भन्ने ठाउँमा स्थानीय टेक बहादुर गाहाको गोठ भत्किंदा गाहाका १ भैंसी र २ बाख्रा मरेका छन् भने अरु २ बाख्रा र बंगुर घाइते भएका छन् ।
साथै सोहि स्थानको राज बहादुर गाहाको पनि घर र ट्वाइलेट पहिरोले पुरिएको छ । जुभुङ्ग कै हुल्टुङ्ग बाटार भन्ने स्थानमा पनि पहिरो जाँदा २ घरहरु जोखिममा रहेको छ । बर्षाले गर्दा यस वडामा मानवीय क्षति नभए पनि लाखौंको भौतिक क्षति भएको वडा अध्यक्ष हरिहर गौतमले बताउनु भयो ।
