अनिल खत्री
१३ असार, गुल्मी । गुल्मीमा १२ जना कोरोना संक्रमित डिस्चार्ज भएका छन् । जिल्लाको इस्मा गाउँपालिकामा १० जना र मालिका गाउँपालिकामा २ जना गरि १२ जनाले कोरोना जितेर डिस्चार्ज भएका हुन् ।
इस्मा गाउँपालिकामा १ जना महिला र ९ जना पुरुष डिस्चार्ज गरिएको गाउँपालिकाकी उपाध्यक्ष बिमला खत्रीले बताइन् । भारतबाट आएर गाउँपालिकाको वडा नम्बर–५ को कुमारी निमाबिमा बनाइएको आसुलेशनमा बसेका थिए ।
संक्रमितहरुको २ पटक पिसिआर जाँचबाट गरिएको कोरोना नेकेटिभ आएपछि डिस्चार्ज भएको उपाध्यक्ष खत्रीले बताइन् । उनिहरु भारतबाट आएर ३५ दिनसम्म आसुलेशनमा बसेर डिस्चार्ज भएका हुन् ।
अध्यावधिक विवरण अनुसार इस्मा गाउँपालिकामा हालसम्म गाउँपालिका भित्र ५७ जना कोरोना संक्रमीत रहेका छन् । त्यस्तै मालिका गाउँपालिकामा २ जना कोरोना संक्रमित पुरुष डिस्चार्ज भएको गाउँपालिकाका प्रवक्ता शोभाखर गिरीले बताए ।
कोरोना संक्रमितहरु गाउँपालिकाले बनाएको आइसुलेशनमा १४ दिन बसेर डिस्चार्ज गरिएको गिरीले बताए । संक्रमित भएकाहरुमा कुनैपनि लक्ष्ण बिनाका भएकाले पुनः कोरोना मुक्त भए नभएको भने चेकजाँच नगरि पठाइएको गिरीले बताए ।
मालिका गाउँपालिकामा २१ जना कोरोना संक्रमित छन् । पछिल्लो तथ्याङ्क अनुसार जिल्लामा कोरोना संक्रमितको संख्या २५७ जना पुगेका छन् ।
संक्रमित कुल ३२ जना कोरोना मुक्त भएकर घर फर्केका छन् । जिल्लामा कोरोनाबाट ३ जनाको मृत्यु भइसकेको छ ।
जिल्लाबाट १ हजार ४ सय ९६ जनाको स्वाब संकलन गरेर पठाइएकोमा ५७२ जनाको रिर्पोट आउन बाँकी रहेको प्रमुख जिल्ला अधिकारी भरतकुमार शर्माले बताए ।
