टोपलाल अर्याल
गुल्मी, ३२ जेठ, गुल्मी जिल्ला अदालतले असार १ गतेबाट सम्पूर्ण सेवा प्रवाह गर्ने भएको छ । कोरोना संक्रमणको कारण सरकारले लकडाउन जारी गरेसंगै चैत ११ गतेबाट अदालतका काम कारबाही पुर्ण रुपमा संचालन भएका थिएनन् ।
सर्वोच्च अदालतको जेठ १९ गतेको निर्देशन र जिल्लामा लकडाउन खुकुलो भएकाले असार १ बाट सम्पूर्ण सेवा सूचारु गर्ने निर्णय भएको अदालतका श्रेष्तेदार भिमप्रसाद भुसालले जानकारी दिए । उनले कार्यालयमा आउँदा थर्मन गनबाट ज्वरो परिक्षण गर्ने, मास्क अभिवार्य प्रयोग गर्नुपर्ने, सावुन पानीले हात धुने, दुरी कायम गर्ने, सेनिटाइजरको व्यावस्था गर्ने र भिडभाड नगरी पालैपालो सेवा लिने व्यावस्था मिलाइएको भुसालले बताए ।
