हुमाकान्त पाेखरेल
गुल्मी, १७ मंसिर । गुल्मीमा जेसिवि दुर्घटना हुँदा तीनजना घाइते भएका छन् । जिल्लाकाे मुसिकाेट नगरपालिका ४ इन्द्रेगाैडामा लु १ क २०८२ नम्बरकाे जेसिवि दुर्घटनामा परेकाे हाे ।
दुर्घटनामा परि धुर्काेट गाँउपालिका ४ जैसिथाेकका २९ बर्षिया पदम राना, प्युठानकाे गाैमुखि गाँउपालिका ३ बस्ने २२ बर्षिया कुमार घर्ती र अर्घाखाँचीकाे पाणिनी गाँउपालिका ३ का ३२ बर्षिया लक्षमण कुमाल रहेकाे जिल्ला प्रहरी कार्यालय गुल्मीका सुचना अधिकारी मीन बहादुर घलेले जानकारी दिनुभयाे । घाइते तीनै जनालाई जिल्ला अस्पतालमा सामान्य उपचारपछि बुटवल रिफर गरिएकाे छ ।
घर्ती र रानाकाे अवस्था सामान्य रहेपनि कुमालकाे अवस्था भने गम्भीर रहेकाे प्रहरीले जनाएकाे छ । जेसिवि सडकबाट करिब ३०० मिटर तल खसेकाे छ ।
