गुल्मीको कालिगण्डकी खोला किनारमा फेरी भेटियो अर्की महिलाको बेवारिसे शव

अनिल खत्री
गुल्मी, ९ जेठ । गुल्मीको कालिगण्डकी खोला किनारमा बेवारिसे शव फेला परेको छ । जिल्लाको कालिगण्डकी गाउँपालिका वडा नम्बर २ कालिगण्डकी खोला किनारमा एक जना महिलाको बेवारिसे शव फेला परेको जिल्ला प्रहरी कार्यालय गुल्मीका प्रहरी निरिक्षक रबिन्द्र खड्काले बताए ।

यो पनि पढ्नुस्: गुल्मीमा करेन्ट लाग्दा ११ को परिक्षा दिएर घर जाँदै गरेकी युवतीको मृत्यु, अर्की एक घाईते

बेवारिसे अबस्थामा फेला परेको अन्दाजी ३० वर्ष भन्दा माथी उमेरकी महिलाको रहेको प्रहरीले जनाएको छ । सडेको अबस्थामा रहेको शवको टाउकाको आधारमा प्रहरीले महिला भनेर मात्रै चिनेको प्रहरी निरिक्षक खड्काले बताए ।

शवलाई पोष्टमार्टको लागि गुल्मी अस्पताल ल्याइदै रहेको प्रहरीले जनाएको छ । शव पहिचाहनको लागि छिमेकी जिल्लाहरुमा पनि समन्वय भइरहेको प्रहरीले जनाएको छ ।

गुल्मीसँगै सिमानामा पर्वत र स्याङजा जिल्ला पर्दछन् ।

गत असारमा पनि कालिगण्डकी २ मा स्थानियले माछा मार्ने क्रममा खोलाको किनारमा घाटी भन्दा माथी नभएको शरिर नग्न अबस्थामा रहेको युवतीको शब फेला पारेका थिए । जस्को पहिचाहन नभएपछी प्रहरीले दाहसंस्कार गरेको थियो ।