टोपलाल अर्याल, २२ असार
गुल्मी जिल्लाका सम्पूृर्ण स्वास्थ्य स्वंयसेविकाहरुलाई सेनीटाइजर र सर्जिकल माक्स वितरण गरीएको छ । असार २२ र २३ गते ६ महिनादेखि ५९ सम्मका बालबालिकाहरुलाई राष्ट्रिय भिटामिन ए र जुकाको औषधी खुवाउने अभियानमा खटिने स्वास्थ्य स्वंयसेविकाको सुरक्षालाई मध्यनजर गर्दै जिल्लाका २ वटा नगरपालिका र १० वटा गाउँपालिकाका सम्पूर्ण स्वास्थ्य स्ंवयसेविकाहरुलाई सेनीटाइजर र सर्जिकल माक्स वितरण गरिएको हो ।
जिल्लाका नौ सय ९५ जना स्वस्थ्य स्वंयसेविकाहरुलाई एक/एक थान सेनीटाइजर र सर्जिकल माक्स वितरण गरिएको एकीकृत ग्रामीण विकास समाजका कार्यकारी निर्देशक कृष्ण विश्वकर्माले बताए । USAID को सहयोगमा एकीकृत ग्रामीण विकास समाजको साझेदारीमा संचालन भइरहेको सुआहारा परियोजनामार्फत उक्त स्वास्थ्य समाग्री वितरण गरीएको हो । सस्थाले कोरोना संक्रमण सुरु भएपछि पत्रकारहरुलाइ पनि माक्स बितरण गरेको थियो ।
