अनिल खत्री
२४ वैशाख, गुल्मी । गुल्मी जिल्लाको रुरुक्षेत्र गाउँपालिकाको वडानम्बर–१ मा वडाअध्यक्षमा स्वतन्त्र उम्मेदवार दिएका रामलाल बिकलाई नेकपा एमाले गुल्मीले कारवाही गरेको छ । उक्त वडामा नेकपा एमाले पार्टीले वडाअध्यक्ष पदमा नवराज बिकलाई उम्मेदवार बनाएको छ । रामलाल बि.क गत स्थानीय चुनाब २०७४ मा नेकपा एमाले बाट वडा अध्यक्ष पदमा चुनाव लडेर जितेका थिए ।
पार्टीबाट पुनः टिकट नभएपछि निर्वतनमान वडाअध्यक्ष रामलाल बिकले अध्यक्षका लागि स्वतन्त्र उम्मेदवारि दिएका छन् । पार्टीले पटक–पटक सम्झाउदा पनि उम्मेदवारी फिर्ता लिन नमानेपछी नेकपा एमाले रुरुक्षेत्र गाउँ कमिटीले कारवाहीको माग गर्दै जिल्ला कमिटिलाई सिफारिस गरेकोले थियो ।
नेकपा एमाले गुल्मी जिल्ला अध्यक्षका अध्यक्ष बालसिंह काउछाद्धारा कारवाही पत्रमा पार्टीको आधिकारीक उम्मेदवार बिरुद्ध वागी उम्मेदवारी दिई प्रचारप्रसारमा लागेको पार्टीले आरोप लगाएको छ । पार्टी बिधानको धारा ८ को उपधारा ‘१’ को ‘ख’बमोजिम रामलाल बिकलाई कुनै पनि संगठन र पार्टीको साधारण सदस्य समेत नरहने गरि पार्टिबाट निस्कासन गरिएको एमाले गुल्मीले जनाएको छ ।
कहिले एकीकृत समाजवादिका कार्यक्रम त कहिले माओवादी केन्द्रका कार्यक्रम र बैठकहरुमा सहभागी हुँदै आएको पार्टीले अरोप लगाएको छ । नेकपा एमाले पुर्व जिल्ला कमिटी सदस्य समेत रहेका रामलाल पछिल्लो समय आफू एमालेमै रहेको उल्लेख गरेका थिए ।
एमाले मै रहेर सक्रिय हुने फेसबुक स्टाटस लेखेर एमालेमै देखिएका बिकले दोस्रो पटक पनि वडा अध्यक्षको आकंक्षी रहेका थिए ।
