अनिल खत्री
२० माघ, गुल्मी । गुल्मी जिल्लाको रेसुङ्गा नगरपालिकाको वडानम्बर–१ मा तम्घास आधारभूत स्वास्थ्य सेवा केन्द्र शुभारम्भ गरिएको छ । वडा वासीलाई वडा स्तरमा आधारभूत सेवा प्रदान गर्ने उदेश्यले सेवा बिस्तार गरिएको रेसुङ्गा नगरपालिका स्वास्थ्य शाखा संयोजक बोम अर्यालले बताए ।
तम्घास आधारभूत स्वास्थ्य सेवा केन्द्रको नगर प्रमुख डिल्लीराज भुसालले शुभारम्भ गरेका हुन् । नगर प्रमुख भुसाल सहित अन्य सेवा ग्रहीको ब्लडप्रेसर नाप जाँच गरेर सेवा शुभारम्भ गरिएको हो ।
स्वास्थ्य सेवा केन्द्रको शुभारम्भ गर्दै नगरप्रमुख भुसालले सानो सानो सेवा लिन पनि अस्पतालमा गएर घण्टौं कुर्नुपर्ने बाध्यतालाई अत्य गर्न वडास्तरमै स्वास्थ्य सेवा केन्द्रको स्थापन गरेको बताए । उनले नागरिकलाई घरदैलोमै सेवा दिन अधिकत्तम प्रयास नगरपालिकाले गरेको उल्लेख गरे ।
सामान्य बिरामी पर्दा अस्पतालमा जाँच गर्ने बृद्ध तथा जेष्ट नागरिकलाई सहज हुने स्वास्थ्य शाखा संयोजक अर्यालले बताए ।
