विवश विष्ट
गुल्मी, ०४ गुल्मी । मदाने गाउँपालिकाले स्वास्थ्य स्वंमसेविकाको सेवा सुविधाका लागि विनियोजित रकम प्रदान नगरेपछि ध्यानाकर्षण गरिएको छ । मंगलबार नेकपा एमालेले एक ध्यानाकर्षण पत्र हस्तान्तरण गर्दै ध्यानाकर्षण गराएको हो ।
महिला स्वास्थ्य स्वंमसेविकाको लागि अार्थिक बर्ष २०७८/७९ को लागि विनियोजित रकम रु ४ लाख ७४ हजार पाँच सय रुपैँया आ.व समापन भइ ३ महिना बितिसक्दा पनि भुक्तानी भएको छैन । साथै आर्थिक बर्ष २०७९/८० को केही महिना बितिसक्दा पनि रकम प्रदान गरिएको छैन ।
स्वास्थ्य स्वंमसेविकाको रकम के कारण रोकिएको छ ? भन्दै नेकपा एमालेले आज ध्यानाकर्षण गराएको हो । साथै महिला स्वास्थ्य स्वंमसेविकाले पाउने सेवा सुविधा यथासिघ्र प्रदान गर्नुपर्ने माग राख्दै गाउँपालिका अध्यक्ष महेन्द्रबहादुर कुँवरलाई ध्यानाकर्षण पत्र हस्तान्तरण गर्दै गाउँपालिकालाई ध्यानाकर्षण गराएको हो । विनियोजित बजेट रकम गाउँसभाबाट पारित भएतापनि बजेट एक कर्मचारीले इन्ट्री गर्न नसक्दा फ्रिज हुन गएको र पालिकाले हस्तान्तरण गर्न नसकेको कुरा स्वास्थ्य स्वंमसेविकालाई बताइएको एक महिला स्वास्थ्य स्वंमसेवसकाले बताइन ।
