अनिल खत्री
जेठ २० गुल्मी। गुल्मीको मदाने गाउँपालिकाका केही समाजसेबी तथा अभियन्ताहरुबाट राहत बितरण सम्पन्न भएको छ। विश्वव्यापी रूपमा फैलिएको दोस्रो लहरको काेभिड -१९ महामारीको कारण जारी निषेधाज्ञाकाे समयमा मदाने गा.पा. वडा न – ६ पुर्काेट दहमा रहेका केही अति गरिब, विपन्न र असाहय घरपरिवारलाई छनोट गरि राहत प्रदान गरिएको हो ।
पुर्काेट दह घर भई कामको सिलसिलामा विभिन्न देशविदेशमा रहनुहुने युवा दाजुभाइ हरूकाे पहल मा करिब 1 लाख 50 हजार बराबरको रकम संकलन गरि ४९ घरलाई चामल,नुन,तेल,दाल दिईएको छ । जसका कारण झन्डै २०० जना लाभान्वित भएका हुन आवश्यकता र परिवार संख्याकाे आधारमा राहत बितरण गरिएको बताईएको छ। स्थानिय रुपमा रहनु भएका अभियानता महेश कुवंर एवंम ” पराेपकारी मनहरू पुर्काेट दह” नामक म्यासेन्जर ग्रुपमा जोडिएर आफू सक्दो रकम प्राप्त भएको हो । सम्पूर्ण दाता तथा शुभेच्छुकहरू प्रती धन्यवाद प्रकट गरिएको छ।
अभियानका रुपमा खटिने ,तथ्यांक संकलन गर्ने ,घरपरिवार पहिचान ,खाध्यान्न ब्यवस्थापन र हस्तान्तरणमा स्थानिय माेहन कुवंर,शुरेस कुवंर , नबराज कुवंरर दामोदर पाैंडेल ,भिम कुवंर लगाएतका अन्य ब्यक्ति रहनु भएको हो। राहत बितरण जेठ 16 गते र 18 गते गरि 2 चरणमा सम्पन्न गरिएको छ ।
