तिलाचन पाण्डे
जेठ १९,२०७७ गुल्मी। गुल्मीको मालिका गाउँपालिका छापहिले घर भई हाल काठमाण्डौमा बस्दै आएका भीमकान्त भण्डारीले जिल्लामा ६ सय थान आरडिटी किट पठाएका छन् । जिल्लामा पछिल्लो समय भारतबाट भित्रने संख्या बढ्दै गएको समयमा कोरोना परीक्षणका लागि आरडिटी किटको अभाब नहोस भन्नका लागि आफूले जिल्लाबासीको नाताले ब्यक्तिगत रुपमा निशुल्क आरडिटी किट पठाएको बताए ।
एक हप्ता अगाडी उनले मालिका , मदाने ,धुर्कोट र इश्मा गाउँपालिकामा ८० थानका दरले ३२० थान आरडिटी किट पठाएका थिए । अहिले जिल्लामा भारतबाट आउनेको संख्या धेरै भएको र कहि कतै आरडिटी किट नभएर उनीहरुको स्वास्थ्य परीक्षण नरोकियोस भन्नका लागि किट पठाएको जनाए । यदि भारतबाट आएका ब्याक्तिहरुलाई कोरोना भएको भए अन्य कसैलाई परीक्षण अभाबकै कारण नसरोस भन्नका लागि आफूले जिल्लामा आरडिटी किट पठाएको बताए ।
उनले जिल्लामा भारतबाट भित्रनेहरुका लागि परीक्षणको दायरा बढाउनुपर्नेमा समेत जोड दिएका छन् ।
यता जिल्ला प्रशासन कार्यलय गुल्मीले भण्डारीले पठाएको किटलाई जिल्लाका क्वारेन्टाइनमा बसेका ब्याक्तिहरुको आरडिटी परीक्षण गरिने जनाएको छ ।
प्रत्येक पालिकाका क्वारेन्टाइनमा बसेका ब्याक्तिहरु , कतै उच्च ज्वरो आएकाहरुको आरडिटी परीक्षण गरिने भन्दै जिल्लामा आरडिटी किट पठाएकोमा मालिका गाउँपालिका वडा नं ५ छापहिलेका भीमकान्त भणडारीलाई प्रमुख जिल्ला अधिकारी एबम जिल्ला बिपद ब्यबस्थापन समितिका अध्यक्ष भरतकुमार शर्माले धन्यबाद ब्यक्त गरे ।
