टोपलाल अर्याल
गुल्मी, २८ साउन । वर्षाका कारण गुल्मीको रिडी–रुद्रवेणी–वामीटक्सार सडक खण्ड शनिवार विहानदेखि अवरुद्ध बनेको छ । उक्त सडक खण्ड मुसिकोट नगरपालीका ६ अन्र्तगत भुवाचिदी नजिकै पहिरो खसेपछि अबरुद्ध बनेकोे जिल्ला ट्राफिक कार्यालय गुल्मीले जनाएको छ ।
सडक अवरुद्ध बनेपछि उक्त क्षेत्रवाट तम्घास, पाल्पा, बुटवल र काठमाण्डौंसम्म छुट्ने सम्पूर्ण सवारी साधनहरु ठप्प बनेका छन् । सवारी साधनहरु संचालन नभएपछि घरवाट यात्रामा निस्केका सयौं यात्रुहरु समस्यामा परेका छन् । अवरुद्ध सडक सुचारु गर्नका लागि पहल भैरहेको मुसिकोट नगरपालीकाका प्रमुख सोमनाथ सापकोटाले जानकारी दिनु भएको छ ।
वर्षासँगै सडकमा पहिरो खस्ने र पानीले ठूलाठूला खाडलहरु बनाएका कारण जिल्लाका अधिकांश ग्रामिण सडकहरुमा समेत यातायात सेवा अवरुद्ध भएको जिल्ला प्रहरी कार्यालय गुल्मीले जनाएको छ ।
अहिले जिल्लाका विभिन्न स्थानमा पुग्ने दुई दर्जन सडक पुर्ण रुपमा अबरुद्ध रहेका छन् ।
