टोपलाल अर्याल,
गुल्मी १२ साउन । गुल्मीको सत्यवती गाउँपालिकाको दु:खद घटना सेलाउन नपाउदै छिमेकी कालीगण्डकी गाउँपालिका ७ मा पहिरोले घर बगाउँदा एक जनाको मृत्युु भएको छ। घटनामा पाँच जना घाइते भएका छन ।
आज राती परेको अविरल बर्षाले वडा नम्बर ७ छापचाैरका विष्णु परियारकाे घर पहिराेले बगाउँदा १३ बर्षका छाेरा चुन्ने परियारकाे मृत्युु भएको जिल्ला प्रहरी कार्यालय गुल्मीका प्रमुख एसपी दिपक कुमार वस्नेतले जानकारी दिए ।
घटनास्थल अहिले पुर्तिघाट प्रहरी चाैकी र भुर्तुङ प्रहरी चाैकिकाे प्रहरीको टोलि उद्वारमा खटिएको छ । साथै उद्वारका लागि जिल्लावाट डिएसपी मीन वहादुर घलेकाे नेतृत्वमा प्रहरी घटनास्थल तर्फ लागेकाे एसपी वस्नेतले जानकारी दिए । अन्य विवरण अाउन बाकी छ ।
