अनिल खत्री
१९ पुस, गुल्मी । नेपाल रेडक्रस सेसाइटी गुल्मी जिल्ला शाखा सभापतिमा राजेन्द्रप्रसाद श्रेष्ठ चयन भएका छन् । जिल्ला सदरमुकाम तम्घासमा शुक्रवार र शनिवार सम्पन्न ३७ औं साधारणसभा एवम् अबिधेशनबाट श्रेष्ठको सभापतित्वमा १७ सदस्यि जिल्ला कार्य समिति चयन गरिएको हो ।
समितिको ३ जना पदेन सदस्यहरु गरि २० जनाको जिल्ला कार्य समिति रहनेछन् । जसको उपसभापतिहरुमा कृष्णप्रसाद भण्डारी, राधा पन्थी, मन्त्री लालबहादुर कुँवर, कोषाध्यक्ष ज्ञानहरी सापकोटा, उपमन्त्री महेन्द्रप्रसाद भण्डारी, उपकोषाध्यक्ष बिष्णुप्रसाद भण्डारी लगायत रहेका छन् ।
अबिधेशनमा नेपाल रेडक्रस सेसाइटी केन्द्रिय अध्यक्ष सँजीव थापा लगायत प्रदेश र स्थानिय तहका नेपाल रेडक्रस सेसाइटीसँग आबद्ध सदस्यहरको सहभागिता रहेको थियो । नेपाल रेडक्रस सेसाइटी गुल्मीमा बिभिन्न स्थानमा २३ वटा उपशाखाहरु रहेका छन् ।
