अनिल खत्री
१६ फागुन, गुल्मी । नेपाल कम्युनिष्ट पार्टी नेकपा गुल्मीले श्रद्धाञ्जली सभा गरेको छ । बुधवार ताप्लेजुङमा नेपाल सरकारका संस्कृति, पर्यटन तथा नागरिक उड्यनमन्त्री एबं नेकपाका प्रभावशाली नेता रबिन्द्र अधिकारीको हेलीकप्टर दुर्घटनामा मृत्यु थियो ।
बिहिवार नेकपा गुल्मीले मदन आश्रीत पार्टी कार्यालय तम्घासमा श्रद्धाञ्जली सभा गरेको हो । श्रद्धाञ्जली सभामा नेकपा गुल्मीका जिल्ला स्तरिय नेताहरुले देशले एक कर्मठ ब्यक्ति गुमाउनु पर्दा अपुरणीय क्षती भएको बताएका थिए ।
श्रद्धाञ्जलीमा नेकपा गुल्मीका जिल्ला स्थित नेता, तथा कार्यकर्ताहरुको सहभागिता हरेको थियो । मन्त्री अधिकारीको निधनमा पार्टी कार्यालयमा रहेको झण्डा आधा झण्डा झुकाउने र आजबाट तीन दिनसम्म पार्टीका कुनै पनि औपचारिक कार्यक्रमहरु नगर्ने नेकपा गुल्मीले जनाएको छ ।
पार्टी कार्यालयमा फोटो सहित शोक पुस्तिका राखिनेछ र शोक सभाहरु गरिने नेकपा गुल्मी जिल्ला कार्यदल सदस्य बालसिंह काउछा, र सदस्य बुद्धि जिसीद्धारा हस्ताक्षरित शोक बकतव्यमा उल्लेख छ । नेकपा गुल्मीले मातहतका कमिटीलाई सोहि अनुसार कार्य गर्न सकुर्लर समेत जारि गरेको छ ।
