अनिल खत्री
२१ पुस, गुल्मी । नेकपा एमाले गुल्मीको ११ औं जिल्ला अबिधेशनको तयारी अन्तिम चरणमा पुगेको जनाएको छ । पुस २३ गते हुन लागेको नेकपा एमाले गुल्मीको ११ औं जिल्ला अबिधेशनको तयारीका लागि अन्तिम चरणका कामहरु तिब्र पारिएको नेकपा एमाले गुल्मीका सचिव एबं प्रचार प्रसार बिभाग प्रमुख धर्म बिश्वकर्माले बताए ।
जिल्ला सदरमुकाम तम्घासमा हुने अधिबेशनको तयारीका लागि ९ वटा उपसमिति बनाएर तयारीको कामलाई अन्तिम चरण पु¥याइएको बिश्वकर्माले बताए । अधिबेशनमा जिल्लाभरबाट करिब ७ प्रतिनिधी सहभागि हुने भएका छन् ।
भूगोलबाट ४ सय ९८ जना बाँकी प्रतिनिधी आयोजक र भातृ संगठनबाट प्रतिनिधी बनेका हुन् । अधिबेशनबाट आगामी ३ वर्षका लागि १ सय ५ जनाको जिल्ला कमिटी निर्वाचित हुनेछ । जसमध्ये ५ जनाको पदाधिकारी हुनेछ । जिल्ला कमिटीको संख्या मध्ये ३३ प्रतिशत महिला अनिवार्य निर्वाचित हुनेछन् ।
जिल्ला अधिबेशनमा नेकपा एमाले उपमहाचिव प्रदीप ज्ञवाली, सचिव गोकर्ण बिष्ट र केन्द्रिय सदस्यहरु, प्रदेशका नेताहरुको सहभागिता रहने बिश्वकर्माले बताए । नेकपा एमाले गुल्मीमा १० हजार १८४ जना संगठीत सदस्य रहेका छन् ।
