गुल्मी, चैत २४ । नेपाल कम्युनिस्ट पार्टी एकीकृत समाजवादी मुसिकोट नगरपालिकाको प्रथम नगर भेला सम्पन्न भएको छ । शुक्रबार वामिटक्सारमा सम्पन्न भेलाले नगर कमिटी समेत गठन गरेको छ । नवगठित नगर कमिटीको अध्यक्षमा मदनदीप घिमिरे रहेका छन् ।
२९ सदस्यीय नगर कमिटिको उपाध्यक्षमा थमन बहादुर गाहा र यमभक्त खरेल, सचीव बिष्णु सारु, उप-सचीव कृष्ण भट्टराई र मन्जु परियार रहेका छन् ।
भेलाकै अवसरमा एमालेबाट निर्वाचित वडा नं ३ का वडाध्यक्ष कर्णध्वज जि.सि, नेकपा एमाले लुम्बिनी प्रदेश कमिटी सदस्य हरि प्रसाद छन्तेल, मुसिकोट नगरपालिका वार्ड नं २ का वडा सदस्य चुरा बहादुर पछाइ, नेकपा एमाले २ नं वडा कमिटी अध्यक्ष हरि बहादुर कुंवर लगायत एकीकृत समाजवादिमा समाहित भएको पार्टीले जनाएको छ ।
