हुमाकान्त पोखरेल
गुल्मी, कात्तिक ०८ । तिहारको समयमा धुर्कोट गाउँपालिकामा प्लास्टिकका माला निषेधित गरिएको छ । स्थानीय स्तरमा उप्पादित फूललाई प्रोत्साहन गर्ने उदेश्यले प्लास्टिकका माला निषेधित गरिएको गाउँपालिकाले जनाएको छ ।
गाउँपालिकाले सुचना नै जारी गरी प्लास्टिकका मालाहरुको विक्रि÷वितरणमा रोक लगाएको जनाएको हो । प्रमुख प्रशासकिय अधिकृत काँशिराम पन्थीले स्थानीय उत्पादनलाई प्रोत्साहन गरी आत्मनिर्भर बन्ने उदेश्यले प्लास्टिक माला निषेधित गर्ने निर्णय गरिएको जानकारी दिए । त्यसका साथै प्लास्टिकका मालाले स्वास्थ्य र वातावरणमा समेत असर गर्ने भएकोले पनि प्रतिबन्ध गरिएको बताए ।
