हुमाकान्त पोखरेल
१९ असोज । गुल्मीमा ट्याक्टर दुर्घटना हुँदा एकजनाको मृत्यु भएको छ । सोमबार बिहान ६ बजेतिर जिल्लाको गुल्मीरबार गाउँपालिका वडा नम्बर १ बलिथुम टापुबाट मजुवातर्फ जाँदै गरेको लु ४ त २८३३ नम्बरको ट्याक्टर दुर्घटना हुँदा सोही स्थानकै १५ बर्षिय धन बहादुर माझीको घटनास्थलमै मत्यु भएको हो ।
ट्याक्टरको स्ट्यान भाँचिन गई ट्याक्टर अनियन्त्रित भएर सडकभन्दा करिब २५ मिटर तल खसेको जिल्ला प्रहरी कार्यालय, गुल्मीका सूचना अधिकारी केदारनाथ पन्थले जानकारी दिए । ट्याक्टरमा सवार अन्य दुईजना भने घाइते भएका छन् । ट्याक्टर चालक कपिलवस्तु घर भएका ३० बर्षिय रेशम ताम्राकार र गुल्मीदरबार गाउँपालिका १ का १५ बर्षिय लाल बहादुर बुढा मगर घाइते भएका छन् ।
ताम्राकार र मगर दुवैको ढाडमा चोट लागेको र थप उपचारको लागि मजुवा पठाइएको पन्थले जानकारी दिए । घाइतेहरुको अवस्था भने सामान्य रहेको छ ।
