कौरव खत्री
गुल्मी १८ मंसिर । बागलुङको बडिगाड गाँउपालिका ७ दिच्छेमा जीप दुर्घटनामा बेपत्ता भएका एक व्यक्तिको सव फेला परेको छ ।
मंगलवार भएको जीप दुर्घटनामा परि बेपत्ता भएका इश्मा गाँपालिका ५ अ. ६५ बर्षका धन बहादुर कार्कीको सव आज दिउँसो बडिगाड गाँउपालिका ७ को दिच्छेमा मृतक कार्कीको सव फेला परेको बडिगाड गाँउपालिका ७ का वडाअध्यक्ष कृष्ण गुरुङ्गले जानकारी दिए ।
सव दुर्घटनास्थल देखि करिव २ किलोमिटर तल बडिगाड खोलाको किनारमा मृतक कार्कीको सव भट्टिएको छ ।
मंगलवार कुल पुजाको लागि गुल्मी इश्मा गाँपालिका ४ पयुपाटादेखि बागलुङको निसीखोला गाँउपालिका २ बायोखोला तर्फ जादै गर्दा जीप बडिगाड गाँउपालिका ७को घोपर्नामा दुर्घटना भएको हो ।
