गुल्मिन्युज
खाना पकाउने ग्याँस लिक भएर बिष्फोट पछि आगलागी भएपछि गम्भीर घाइते बनेका गुल्मी-१ का सांसद चन्द्र भण्डारी र उनकी आमा हरिकला भण्डारीको नेपालमा उपचार नेपालमा सहज नहुने भएकोले किर्तिपुर अस्पाताले बिज्ञप्ति जारि गर्दै देश बाहिरको सुबिधा सम्पन्न अस्पतालमा लैजान सिफारिस गरेको छ ।
आगलागीपछि घाइते भण्डारीलाइ सिधै कीर्तिपुर बर्न अस्त्पालामा लागिएको थियो भने आमालाई सिभिल अस्पताल हुँदै किर्तिपुरस्थित अस्पताल पुर्याएर उपचार गरिएको थियो । तर, किर्तिपुर अस्पतालले भण्डारी आमाछोरालाई देश बाहिर लैजान सिफारिस दिएको छ ।
चिकित्सकका अनुसार भण्डारीका आमाको ७० प्रतिशत भाग जलेको छ सांसद भण्डारीको ३० प्रतिशत भाग जलेको छ । सांसद भण्डारीको अनुहार, हात र खुट्टामा धेरै जलन भएको चिकित्सकहरूले बताएका छन्। बिज्ञप्तिमा जनाइए अनुसार तातो हावा र धुवाँले श्वासनलीमा असर गरेको हुन सक्ने भएकोले हालको साधन र स्रोतले उहाहरुको यथोचित उपचार नेपालमा सहज नहुने भनिएको छ ।
