गुल्मी, २५ साउन । चट्याङ लागेर गुल्मीमा एक जनाको मृत्यु भएको छ। जिल्लाको मदाने गाउँपालिका १ अग्लुङ्ग घर भएका वर्ष ३९ का कमल भण्डारीको शनिबार राति चट्याङ लागेर मृत्यु भएको जिल्ला प्रहरी कार्यालय गुल्मीका प्रहरी निरीक्षक राजकुमार रावलले जानकारी दिएका छन्।
शनिबार राति ८ बजेको समयमा आफ्नै घरमा बसिरहेको अवस्थामा भण्डारीलाई चट्याङले हान्दा उनको घटनास्थलमै ज्यान गएको हो। घटनाको जानकारी पाएपछि आईतबार बिहानै ईलाका प्रहरी कार्यालय पुर्कोटदहबाट प्रहरी टोली घटनास्थलमा गएको बताईएको छ । मृतकको शवलाई पोष्टमार्टमका लागि सदरमुकाम तम्घास ल्याईएको निरीक्षक रावलले बताए।