टोपलाल अर्याल
गुल्मी, ७ चैत। जिल्ला बन कार्यालय गुल्मीले बेवारिसे अबस्थामा रहेको सालको काठ बरामत गरेको छ । सुराकीको आधारमा मंगलवार साँझ रेसुङ्गा नगरपालिका वडा नम्बर २ स्थित छापटोला बेवारिसे अबस्थामा रहेको ४४ गोलीया सालको काठ बरामत गरेको जिल्ला बन कार्यालय गुल्मी प्रमुख कृष्ण न्यौपाने जानकारी दिए ।
स्थानीय शशिधर कुवंरको बारीमा परालले छोपेर राखेको ९४ दशमलव ६३ क्यूफिट सालको काठ बरामत भएको न्यौपानेले बताए । मरामद गरिएका काठ अहिले जिल्ला वन कार्यालयमा राखिएको छ । काठ कहाँबाट कसले लिएर आएको भन्ने बिषयमा थप अनुसन्धान प्रमुख न्यौपानेले बताए । व्यक्ति भेटिएमा बन ऐन अनुसार कारवाही उनले बताए ।
