अनिल खत्री
गुल्मी, १६ भदौ । गुल्मीमा एक बालिकाको उपचार खर्च जुटाउन नसक्दा परिवारको बिचल्ली भएको छ । जिल्लाको इस्मा गाउँपालिका वडानम्बर–२ झिरनेटा निवासी १३ वर्षकी रिमा नेपालीको उपचार खर्च जुटाउन नसक्दा परिवारमा बिचल्ली भएको हो ।
रिमा मंगलवार एक्कासी बेहोस भएर उपचारको लागि पाल्पा लगिएको छ । पाल्पामा आइसियूमा राखेर उपचार गर्नुपर्ने भएपछि धेरै रकम जुटाउन नसक्दा परिवारलाई समस्या परेको छ ।
उपचारको लागि दैनिक १० हजार रुपैँया भन्दा बढि लाग्ने भएपछि उपचार गर्न समस्या परेको बिरामी रिमाको बुवा सन्तबहादुर नेपालीले बताए । गाउँमा ज्याला मजदुरी गर्दै परिवार खर्च चलाउदै आएका नेपालीले आफनी छोरी बचाउनको लागि सक्दो सहयोग गरिदिनुहुन आग्रह गरेका छन् ।
बेहोस भएकी रिमाको पाल्पा प्रवास मेडिकल बलेजमा उपचार भइरहेको छ ।
