अनिल खत्री
८ पुस, गुल्मी । गुल्मीमा मोटरसाइकल दुर्घटनामा एक जनाको मृत्यु भएको छ । जिल्लाको गुल्मीदरवार गाउँपालिका वडानम्बर–४ निवासी ३० वर्षका मोटरसाइकल चालक पदम ढेगा मगरको मृत्यु भएको जिल्ला प्रहरी कार्यालय गुल्मीका प्रहरी नायव उपरीक्षक (डिएसपी) पुरुषोत्तमप्रसाद पाण्डेले बताउनु भयो ।
दुर्घटनामा मोटरसाइकलमा सवार ३१ वर्षका धनकुमार ढेगामगर घाइते भएको प्रहरीले जनाएको छ । बिहिवार बेलुकी बिरबास स्थित तम्घास रिडी सडक खण्डमा बिरबास देखी भेडुवातर्फ जाँदै गरेको लु १७ प ६४५२ नम्बरको मोटरसाइकल दुर्घटनामा परेको हो ।
दुर्घटनामा घाइते भएका ढेगाको श्रृङ्गा स्वास्थ चौकिमा प्राथामिक उपचारको क्रममा मृत्यु भएको (डिएसपी) पाण्डेले बताउनु भयो । मोटरसाइकल आफै अनियन्त्रित भई सडकदेखी करिव २ मिटर तल खसेको थियो ।
