अनिल खत्री
२८ चैत, गुल्मी । गुल्मीमा गएराती मोटरसाइकल दुर्घटनामा १ जनाको मृत्यु भएको छ । जिल्लाको गुल्मीदरवार गाउँपालिका वडानम्बर–७ मा भएको लु २३ प ५०६७ नम्बरको होन्डासाइन मोटरसाइकल दुर्घटनामा चालक अन्दाजी ४५ वर्षिय रामबहादुर खत्रीको मृत्यु भएको जिल्ला प्रहरी कार्यालयले जनाएको छ ।
जिल्लाको गौंडाकोटबाट चारपाला तर्फ जाँदै गर्दा घुम्ती भन्ने स्थानमा दुर्घटनामा परेको थियो । दुर्घटनामा गम्भीर घाइते भएका रामबहादुरको गुल्मी अस्पतालमा उपचारको क्रममा मृत्यु भएको जिल्ला प्रहरी कार्यालय गुल्मीले जनाएको छ ।
दुर्घटनामा परेको मोटरसाइकल सडक सुरक्षा वालमा ठोक्कीएर सडकबाट करिवा ३ मिटर तल खसेको जिल्ला ट्राफिक प्रहरी कार्यालय गुल्मीले जनाएको छ ।
