गुल्मी, साउन ३ । जिल्ला प्रहरी कार्यालय गुल्मीको हटलाइन नं. १०० मा फोन गरी धम्की दिइने गरिएको छ ।
एक सातादेखि राति ९ देखि १२ बजेसम्म फोन गरी अश्लिल शब्द प्रयोग गर्दै धम्की आउने गरेको प्रहरीले जनाएको छ ।
फोनमा ‘म डिएसपी हुँ तेरो जागिर खाइदिन्छु’ भन्दै धम्की आउने जिल्ला प्रहरी कार्यालयले बताएको छ । कार्यालयको हटलाइन नं.मा ९८०५२२१४८४, ९८२१५२९१७३ र ९८०६१५५४२७ नम्बरको मोबाइलबाट फोन आउने गरेको छ ।
जिल्ला प्रहरी कार्यालय गुल्मीका प्रहरी निरीक्षक रविन्द्र खड्काले फोन गरी धम्क्याउने व्यक्तिको खोजी कार्य जारी रहेको बताए ।
खड्काले ती व्यक्तिको पहिचान गरी चाँडै कारबाही गर्ने प्रतिवद्धता व्यक्त गरे । -थाहा खबरबाट
