हुमाकान्त पोखरेल
गुल्मी, १९ भदौ । गुल्मीमा पत्रकारमाथि दुव्यर्वहार भएको छ । रेसुङ्गा नगरपालीकामा भएको तालबन्दीसम्बन्धी समाचार संकलन गर्न गएका पत्रकार महासंघ गुल्मीका उपाध्यक्ष एवम् नेपाल टेलिभिजनका संवाददाता अनिल खत्री लगायतका पत्रकारमाथि दुव्र्यवाहार भएको हो । संचारकर्मीमाथि भएको दुव्र्यवहारप्रति नेपाल पत्रकार महासंघले एक विज्ञप्ती जारि गरि घटनाको भर्त्सना गरेको छ ।
यो पनि पढ्नुस्: रेसुङ्गा नपामा कांग्रेस भर्सेस नेकपा विवाद उत्कर्षमा: ताला खोल्दै लगाउँदै, कर्मचारीले पनि काम ठप्प पारे
नेपाल पत्रकार महासंघ उपाध्यक्ष सिता भण्डारीद्वारा जारि विज्ञप्तीमा नेपाल पत्रकार महासंघका उपाध्यक्ष खत्री, सदस्य तिलाचन पाण्डे र पत्रकार अजय सुनारमाथि रेसुङ्गा नगरपालीका ८ का वडाअध्यक्ष सहितका केही जनप्रतिनिधिहरुले गरेको दुव्र्यवहार गरेको र यसले स्वतन्त्र पत्रकारीता र लोकतन्त्रको अपमान भएको भन्दै घटना प्रति खेद प्रकट समेत गरिएको छ ।
पत्रकार महासंघद्वारा जारि विज्ञप्तीको विषमा वडा नम्बर ८ का अध्यक्ष भरत भलामीले आफुले प्रेसको सधै सम्मान गर्दै आएको र नगरपालिकामा संचारकर्मीमाथि कुनै किसिमको अभद्र व्यवहार नभएको दाबी गरे ।
