अनिल खत्री
१४ असार, गुल्मी । गुल्मीमा थप ४ जना कोरोना संक्रमित डिस्चार्ज भएका छन् । जिल्लाको गुल्मीदरवार गाउँपालिकमा ४ जना पुरुषले कोरोना जितेर डिस्चार्ज गरिएको गाउँपालिकाका प्रमुख प्रशासकीय अधिकृत लक्ष्मण पाण्डेले जानकारी दिए ।
भारतबाट आएर गाउँपालिकाको बनाइएको आसुलेशनमा बसेका थिए । संक्रमितहरु १५ दिनसम्म आसुलेशनमा बसेर डिस्चार्ज भएका हुन् ।
डिस्चार्ज हुनेहरुलाई फूल र डिस्चार्ज पत्र दिएर गाउँपालिका अध्यक्ष अशोक थापा, उपाध्यक्ष, प्रमुख प्रशासकीय अधिकृत, स्वास्थ्यकर्मी, कर्मचारीहरुले बिदाई गरेको गाउँपालिकाका स्वास्थ्य संयोजक नारायण अर्यालले जानकारी दिए । अध्यावधिक विवरण अनुसार गुल्मीदरवार गाउँपालिका भित्र २ जना महिला सहित ४२ जना कोरोना संक्रमीत रहेको स्वास्थ्य संयोजक अर्यालले जानकारी दिए ।
पछिल्लो तथ्याङ्क अनुसार जिल्लामा कोरोना संक्रमितको संख्या २७५ जना पुगेका छन् । संक्रमित मध्ये कुल ४२ जना कोरोना मुक्त भएकर घर फर्केका छन् ।
जिल्लामा कोरोनाबाट ३ जनाको मृत्यु भइसकेको छ । जिल्लाबाट १ हजार ४ सय ९६ जनाको स्वाब संकलन गरेर पठाइएकोमा ५७२ जनाको रिर्पोट आउन बाँकी रहेको छ ।
