अनिल खत्री
१३ जेठ, गुल्मी । गुल्मीमा पहिलो पटक जनप्रतिनिधीमा कोरोना संक्रमण भएको छ । प्रादेशिक प्रयोगशाला रुपन्देहीमा गरिएको परीक्षणमा १ जना जनप्रतिनिधी सहित अर्का १ जनामा कोरोना संक्रमण पुष्टि भएको जिल्ला स्वास्थ्य कार्यलय गुल्मीले जनाएको छ ।
धुर्कोट गाउँपालिका प्रमुख र भारतबाट आएर धुर्कोट गाउँपालिकाको क्वारेन्टाइनमा बसेकामा कोरोना भाइरस भेटिएको पुष्टी भएको कार्यलयले जनाएको छ । संक्रमित ३६ र ३७ बर्षका रहेका छन् ।
संक्रमित धुर्कोट गाउँपालिका प्रमुख भुपाल पोखरेलले आफैले एक बिज्ञप्ती जारी गरी आफनो स्वस्थ्य अबस्था सामान्य रहेको जनाएका छन् । उनले उच्च मनोवलका साथ कोरोना भाइरसलाई जितेर जनताकै सेवामा फर्किने बताए ।
उनले यस अबस्थामा सबैले सरकारले जारी गरेको लड डाउनलाई पालना गर्दै सुरक्षित रहन आग्रह गरे । उनले सबैलाई उच्च मनोवलका साथ सबैले आफनो स्वास्थ्यको ख्याल गर्न आग्रह गरे । संक्रमितहरुको स्वास्थ्य अबस्था सामान्य रहेको स्वास्थ्य कार्यलय गुल्मीले जनाएको छ ।
संक्रमितलाई आइसुलेसनमा राखेर उपचार गरिने स्वास्थ्य कार्यलय गुल्मीका प्रमुख भवानीप्रसाद शर्माले जानकारी दिनुभयो । जनप्रतिनिधिलाई कोरोना संक्रमण देखिएपछि उनकोसम्पर्कमा आएका सुरक्षा निकायका प्रमुखहरु,जनप्रतिनिधीको सहित ४४ जनाको स्वाब संकलन गरिएको स्वास्थ्य कार्यलय गुल्मीले जनाएको छ ।
जनप्रतिनिधिको सम्पर्कमा आएका जिल्लाका प्रमुख जिल्ला अधिकारी, जिल्ला समन्वय प्रमुख , कार्यलय प्रमुखहरु र पत्रकार लगायतको स्वाब संकलन गरेर प्रादेशिक प्रयोगशाला रुपन्देहीमा पठाइएको छ ।
जिल्लामा यस अघि मदाने गाउँपालिकामा २ जनामा कोरोना भाइरस पुष्टी भएको थियो । संक्रमित मध्ये १ जना शिक्षकको उपचारको क्रममा बुटवलमा मृत्यु भएको थियो ।
कोरोना संक्रमणबाट मृत्यु भएका शिक्षकको सम्पर्कमा आएका एक जनाको कोरोना परीक्षण रिर्पोट पोजेटिभ आएको थियो । मृतकका सम्पर्कमा आएका ३० जना मध्ये एक जनाको रिर्पोट पोजेटिभ आएको थियो भने अन्य सबैको रिर्पोट नेकेटिभ आएको थियो ।
जिल्लामा हालसम्म मृतक शिक्षक सहित ४ जनामा कोरोना संक्रमण पुष्टि भएको छ ।
