अनिल खत्री
१२ असोज, गुल्मी । गुल्मीमा कुटपिटबाट एक जनाको मृत्यु भएको छ । जिल्लाको कालि गण्डकीगाउँपालिका वडा नम्बर ६ तल्लो कोरेङ्ग निवासी ६४ वर्षिय दुर्गादत्त ढकालको कुटपिटबाट मृत्यु भएको जिल्ला प्रहरी कार्यालग गुल्मीका प्रहरी नायव उपरिक्षक मिनबहादुर घलेले बताए ।
ढकाललाई सोहि निवासी ४५ वर्षि टोपबहादुर सार्कीले कुटपिट गरि हत्या गरेको प्रहरीले जनाएको छ । शनिवार साझ दुइजना बिच एक आपसमा झगडा हुँदा ढकाललाई सार्कीले कुटपिट घाइते बनाएका थिए ।
घाइते ढकाललाई स्थानीय स्वस्थ्य चौकीमा उपचारमा लैजाने क्रममा मृत्यु भएको प्रहरीले जनाएको छ । हत्या गर्ने सार्कीलाई गएराती १ बजे प्रहरीले नियन्त्रणमा लिएको छ ।
हत्याको कारण पुरानो रिसी भएको भन्ने खुल्नमा आएको र अन्य कारण थप अनुसन्धान पछि मात्रै खुल्ने प्रहरी नायव उपरिक्षक नयव उपरिक्षक घलेले बताए । नियन्त्रणमा लिएका सार्कीलाई जिल्ला प्रहरी कार्यालय गुल्मीमा ल्याइदैँछ ।
