गुल्मी, चैत्र–५ ।
प्रदेश ५ को मन्त्रिपरिषद् कार्यालय स्रोतले दिएको जानकारी अनुसार आज दिउँसो कम्तीमा ३ मन्त्री थपेर मन्त्रिपरिषद् विस्तार गर्ने तयारी गरिएको छ । थपिने तिन मन्त्री मध्ये गुल्मीबाट सुदर्शन वराल सामाजिक विकास तथा सहरी विकास मन्त्री बन्ने निश्चित प्राय भएको श्रोतले जानकारी दियो । माओवादी केन्द्रले उक्त मन्त्रालयमा वराललाई पठाउने निर्णय गरी सकेको उच्च श्रोतले जानकारी दिएको छ । त्यस्तै नेकपा एमालेबाट
लिला गिरी र आरती पौडेललाई मन्त्री बनाउने निर्णय गरेको हो । गिरी उद्योग तथा पर्यटन मन्त्रालय र पौडेल कृषि मन्त्री बन्ने बताइए पनि मन्त्रिपरिषद् कार्यालयले यसबारे केही बताएको छैन ।
गिरी रुपन्देहीको निर्वाचन क्षेत्र नंम्बर २ ‘क’ र पौडेल बाँके क्षेत्र नम्बर १ ‘ख’ बाट निर्वाचित सांसद् हुन् ।
गुल्मी क्षेत्र नम्वर १ प्रदेश ‘क’ बाट निर्वाचित बराल पुर्व विद्यायका र प्रत्यक्ष निर्वाचित प्रतिनिधी सभाको पुर्व सांसद समेत हुन । सुरुमा उनले प्रदेश सभामुखको दावी गरिरहेका थिए ।
यसअघि फागुन ३ गते मुख्य मन्त्री सहित ३ जनाको मन्त्रीमण्डल गठन भएको थियो । शंकर पोखरेलको नेतृत्वको सरकारमा कुलप्रसाद केसी र वैजनाथ चौधरी नियुक्त भए पनि मन्त्रिपरिषद्ले पूर्णता पाउन सकेको छैन ।
