अनिल खत्री
३१ असार, गुल्मी । गुल्मीदरबार गाउँपालिका अध्यक्ष अशोककुमार थापाको निधन भएको छ । गाउँपालिका अध्यक्ष थापाको बिहीबार विरेन्द्र प्रहरी अस्पतालमा काठमाडौंमा उपचारको क्रममा निधन भएको हो ।
२०७७ फागुन २९ गते स्वास्थ्यमा अकस्मात समस्या आए पछि बुटवल हुँदै काठमाण्डौं लगिएको थियो । ७४ वषिर्य थापा लामो समयदेखि दमको रोगबाट पीडित थिए ।
थापा करिब ४ महिनादेखि अस्पताल भर्ना भएका थिए । उपचार पश्चात गएको असारको १७÷१८ तिर गाउँपालिमा आउने तयारी गरिरहँदा अकस्मात स्वास्थ्यमा समस्या आएपछि पुनः अस्पताल भर्ना गरिएको थियो ।
गाउँपालिका अध्यक्ष थापाको निधनप्रति गाउँपालिकाले दुखः प्रर्कट गरेको छ । सादगी जीवन, नागरिकप्रति उत्तरदायी भई जनताको सेवामा समर्पित हुँदै समृद्ध गाउँपालिका बनाउने अभियान अधुरै रहेको गाउँपालिकाका प्रमुख प्रशासकीय अधिकृत लक्ष्मण पाण्डेले बताए ।
