कौरव खत्री
गुल्मी, २० मंसिर । गुल्मीका रायमाझी दाजुभाईहरुले आशा अपाङ्ग केन्द्र गुल्मीलाई आर्थिक सहयोग गरेका छन् । बिहिवार वामीमा सम्पन्न रायमाझीहरुको १ सय ८६ औ कुल पुजाको अवसरमा मुसिकोट नगरपालिका ७ निवासी कर्ण बहादुर रायमाझीबाट १ हजार १ सय रुपैँया, फन बहादुर रायमाझीबाट १ हजार रुपैँया, महेन्द्र रायमाझीबाट ३ हजार रुपैँया, चुरा बहादुर रायमाझीबाट ३ हजार २ सय रुपैँया र रेशम रायमाझीबाट २ हजार रुपैँया सहयोग संकलन भएको थियो ।
त्यस्तै सुवेदार रण बहादुर रायमाझीबाट १ हजार रुपैँया, दिर्घ बहादुर रायमाझीबाट ५ सय ५ रुपैया, मिठु केसीबाट १ हजार १ सय रुपैँया र सिता थापाबाट ५ सय ५ रुपैया गरि जम्मा १३ हजार ४ सय १० रुपैया सहयोग आशा अपाङ्ग केन्द्र गुल्मीकी प्रमुख गंगा रायमाझीलाई हस्तान्तरण गरिएको हो ।
त्यस्तै आशा अपाङ्ग केन्द्र गुल्मीकी प्रमुख गंगा रायमाझीले सबै रायमाझी दाजभाई एवं शुभचिन्तक र सहयोगीलाई धन्यवाद दिइन् । कार्यक्रम सुवेदार रण बहादुर रायमाझीको अध्यक्षता रायमाझी कुल देवताका केन्द्रीय सदस्य फन बहादुर रायमाझीको प्रमुख आतिथ्यता एवं कार्यक्रमको सञ्चालन भने गोपाल रायमाझी र रायमाझी र डिल बहादुर रायमाझीले गरेका थिए ।
