युएई, बैशाख २९ । वैदेशिक रोजगारीको सिलसिलामा दुबईमा रहेका गुल्मीका एक युवाको ज्यान गएको छ । विश्वभर फैलिएको कोरोना भाइरसको संक्रमणबाट दुबइको अवुदावीमा बस्ने ३९ वर्षिय चुरामणि ढकालको ज्यान गएको हो । विगत १५ वर्षदेखि दुबईमा कार्यरत ढकालको अवुदावीमा उपचारकै क्रममा मृत्यु भएको हो । गत मे १ तारिखदेखि स्थानीय अस्पतालमा उपचाररत ढकालको शनिबार बिहान निधन भएको हो ।
यो पनि पढ्नुस्: भारतमा सडक दुर्घटनामा परी गुल्मीका पोख्रेलको निधन
गुल्मी जोहांग पुर्ख्यौली घर भएका मृतक ढकालको बसाई पछिल्लो समय भने कपिलवस्तुको वाणगंगामा थियो । ढकालका श्रीमती, एक छोरा र एक छोरी छन् । अपांगता भएका छोरा उठ्न नसक्ने अवस्थामा छन् ।
मृतक यसअघि अन्य कुनै गम्भीर स्वास्थ्य समस्याबाट पीडित नभएपनि दुई वर्षअघि निमोनिया भएर दुबईमै उपचार गराएको पारिवारिक स्रोतले जानकारी दिएको छ ।
