गुल्मी, कार्तिक १७ । गुल्मीमा राति ८ बजेपछि देउसी भेलो खेल्न निषेध गरिएको छ । बुधवार जिल्ला प्रशासन कार्यालय गुल्मीले एक बिज्ञप्ती जारी गर्दै राति ८ बजेपछि देउसी भेलो खेल्न निषेध गरिएको जनाएको हो ।
बिश्वभरी फैलिरहेको कोरोना भाइरस संक्रमणको जोखिमको अवस्था गुल्मी जिल्लामा पनि बिद्यमान रहेकाले जिल्ला कोभिड ब्यवस्थापन समितीको बैठकको निर्णय र जिल्ला सुरक्षा समितीको सिफारिसमा यस्तो निर्णय गरिएको प्रमुख जिल्ला अधिकारी पुण्यबिक्रम पौडेलद्वारा हस्ताक्षरित बिज्ञप्तीमा जनाईएको छ ।
कोभिड-१९ संक्रमणको जोखिमा नियन्त्रणमा नआईसकेको हुनाले घरधनीको स्विकृती लिएर मात्रै राती ८ बजेसम्म देउसीभैलो खेल्न पाइनेछ । यसरी देउसीभैलो खेल्दा स्वास्थ्य सुरक्षाका मापदण्ड अनिवार्य पालना गर्दै सिमित दिन सम्म मात्र खेल्न पाईने छ ।
यस्तै प्रशासनले जुवातास खेल्न/खेलाउन, लङ्गुर बुर्जा खेल्न/खेलाउन, पटका खरिद बिक्री गर्न तथा पड्काउन, आतिसबाजी गर्ने जस्ता कानुनले निषेध गरेका कार्यहरु पनि नगर्न जिल्लाबासीमा अनुरोध गरेको छ । यस्तो गरेको पाइएमा कानुन बमोजिम कारबाहि हुने पनि जनाईएको छ ।
