शंकर प्रसाद पोख्रेल
गुल्मी, मंसिर १ । गुल्मी जिल्लाको कालीगण्डकी गाउँपालिका–६ खड्गकोट ‘लेगाढवामा राष्ट्रिय जनमोर्चाको संगठन विस्तार भएको छ । मंगलबार भएको एक प्रशिक्षण भेलापछि टोल समिति निर्माण गरिएको हो ।
भेलालाई राष्ट्रिय जनमोर्चा केन्द्रीय सदस्य रामकुमार क्षेत्रीले प्रशिक्षण दिनुभएको थियो । त्यस क्रममा उहाँले देशको समसामयिक राजनीति र राष्ट्रिय जनमोर्चाले खेलेको भूमिकाबारे स्पष्ट पार्नुभएको थियो ।
भेलाले पूर्णबहादुर थापाको अध्यक्षतामा १३ सदस्यीय टोल समिति गठन गरेको छ । समितिको उपाध्यक्षमा झक बहादुर थाप, सचिव तेज बहादुर थापा, सहसचीव नरसिंह राना र कोषाध्यक्षमा माया थापा चयन हुनुभएको छ ।
सदस्यहरुमा देउरुपा राना, बिसन थापा, हिरा थापा, विशे राना, झक बहादुर थापा, टीका थापा रहनुभएको छ । १३ सदस्यीय समितिमा २ स्थान रिक्त राखिएको छ ।
कार्यक्रममा संगठन निर्माणको पहलकर्ता कुमार थापा (भिम) र हिमा थापाले पनि आफ्नो मन्तव्य राख्नुभएको थियो । त्यसक्रममा उहाँहरुले देश र जनताको पक्षमा संघर्ष गर्ने एक मात्र पार्टी राष्ट्रिय जनमोर्चा भएको उल्लेख गर्दै आम दाजभाइ दिदीबहिनीहरुलाई राजमोको झण्डामुनी गोलबद्ध हुन आह्वान गर्नुभयो ।
