सन्जु काउछा
कार्तिक २७ । एकादशीको अवसर पारेर आगामी सोमबार अर्थात कार्तिक २९ गते रेसुङ्गा नगरपालिकाले सार्वजनिक बिदा दिने भएको छ । हरिबोधिनी एकादशी २०७८ को पावन अवसर पारेर नगरपालिकाले सार्वजनिक बिदा दिन लागेको हो ।
रेसुङ्गा क्षेत्रको धार्मिक तथा ऐतिहासिक स्थल रेसुङ्गा पोखरीमा धार्मिक मेला लाग्ने भएको हुँदा रेसुङ्गा नगरकार्यपालिका बैठकको निर्णय अनुसार बिदा दिन लागेको नगरपालिकाले शुक्रबार जारी गरेको सार्वजनिक बिदा सम्बन्धी सुचनामा जनाईएको छ ।
“कार्तिक २९ गते सोमबारका दिन नगरपालिका क्षेत्रका सम्पूर्ण कार्यालयहरू, नगरकार्यपालिका कार्यालय मातहतका बडा कायार्लयहरू, सम्पूर्ण शिक्षण संस्था, स्वास्थ्य र अन्य सार्वजनिक संघ संस्थाहरुमा सार्बजनिक बिदा दिने निर्णय भएको छ”, रेसुङ्गा नगरपालिकाका नगर प्रमुख डिल्लिराज भुषालद्वारा हस्ताक्षरित सुचनामा जनाईएको छ ।