जिल्ला समाचार

स्कुल उही, फेरियो समय: उबेला बिद्यार्थी भाई अहिले प्रमुख अतिथी सिडियो साप

प्रेम सुनार
गुल्मी, पुस २० । गुल्मीको एक विद्यालयमा ३७ वर्ष अघि सम्म विद्यार्थी रहेका एक व्यक्ति अहिले यसै जिल्लाका सिडियो भएर त्यस विद्यालयको एक कार्यक्रमा प्रमुख अतिथीका रुपमा आज स्वागत–सत्कार गरिएको छ । गुल्मीका सिडियो अर्थात प्रमुख जिल्ला अधिकारी गोपालप्रसाद अर्याललाई रेसुङ्गा नगरपालिका १० सिमिचौरमा रहेको भगवती माध्यामिक विद्यालयले आज तिन कोठे भवन निर्माणको शिलान्यास गराई प्रमुख अतिथीका रुपमा स्वागत–सत्कार गरेको हो । प्रमुख जिल्ला अधिकारी अर्याल सोही गाउँका वासीन्दा हुन् । उनले पढ्ने बेला २०३७ साल सम्म कक्षा ७ सम्मको मात्रै पढाई हुने प्रजिअ अर्यालले बताए ।

शिलान्यास समारोहलाई सम्वोधन गर्दै प्रमुख अतथी अर्यालले २०३७ साल सम्म आफुले त्यस त्यसै विद्यालयमा पढेको स्मरण गरे । उनले भने –‘ म यसै विद्यालयमा बढेको विद्यार्थी भएकोले पनि यसको स्तरोन्तीका लागि मेरो पनि नैतिक जिम्मेवारी रहन्छ र मैले आफ्नो क्षेत्रबाट सक्दो सहयोग गर्दै जाने छु । ’ उनले रेसुङ्गा नगरपालिकाले त्यस विद्यालयकौ भौतिक र शैक्षिक विकासमा जोड दिने कुरामा आशा व्यक्त गरे ।

gopal aryal
बिद्यालयका पुर्व बिद्यार्थी तथा गुल्मीका प्रमुख जिल्ला अधिकारी अर्याल .
गत ३५ वर्ष देखि त्यसै विद्यालयमा अध्यापन गराउँदै आएका शिक्षक ऋषिराम अर्यालयले सिडियो अर्याललाई सिडियो साव नभई गोपाल बाबुका रुपमा सत्कार गर्न पाएकोमा गर्व महशुस गरेको बताए । उनले भने–‘ हुन त उहाँ हामी सवैको सिडियो हो तर मैरै दाजु भाई र यसै विद्यालयमा बढेको हुँदा मैले गोपाल बाबु भन्ने गर्छु र हिजोको यसै विद्यालयको एउटा सामन्य विद्यार्थी आज यस जिल्लकै सिडियो भएर प्रमुख अतिथीका रुपमा सत्कार गर्न पाउँदा असाध्यै गौरव महशुस गरेका छौं ।’

रेसुङ्गा नगरपालिका वडा नम्वर १० का वडाध्यक्ष पदमप्रसाद अर्यालले पनि त्यसै सिमिचौरवासी सिडियो अर्याललाई निम्ताएर भवनको शिलान्यास गराउन पाएकोमा गर्वित भएको बताए । सो नगरपालिकाको सामाजिक समितिका संयोजक समेत रहेका अर्यालले अव यस नगरपालिका अन्तरगतका शैक्षिक संस्थाहरुलाई हिजोको अवस्थामा रहन नदिने उद्घोष गरे । कार्यक्रमकी विशेष अतिथी उप–मेयर सिता भण्डारीले नगरपालिकाले यस भित्रका शैक्षिक संस्थाहरुको अवस्था बुझेर अगाडी बढ्ने बताईन ।

त्यस्तै अर्का विशेष अतिथी विद्यालय निरीक्षक पिताम्वर पन्थीले आगमी शैक्षिक वर्ष भित्र उक्त भवन सम्पन्न भई सक्नु पर्ने सुझाव दिए । उनले आउँदो शैक्षिक सत्र देखि जिल्ला शिक्षा कार्यालय खारेज हुने जानकारी समेत गराए । जिल्ला शिक्षा कार्यालयबाट बन्न लागेको उक्त तिन कोठे भवन ३१ लाख लागतमा बन्न लागेको र भुकम्प प्रतिरोधी हुने विद्यालयका प्रधानध्यापक वमबहादुर रानाले जानकारी दिए । उनै प्रधानध्यापक रानाको अध्यक्षतामा सम्पन्न शिलान्यास कार्यक्रमा उक्त भवन निर्माण समितिका अध्यक्ष झविन्द्र घिमिरेको स्वागत मन्तव्य र शिक्षक घनश्याम पाण्डेको सञ्चालन रहेको थियो ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D