जिल्ला समाचार

साउनमा सुनसान गुल्मीको रेसुङ्गा

अनिल खत्री
गुल्मी, २८ साउन । साउन महिनाभर विशेष मेला लाग्ने गुल्मीको रेसुंगा यसवर्ष सुनसान छ ।

कोरोना भाइरस (कोभिड–१९) को महामारीका कारण धार्मिक तथा पर्यटकीय स्थल रेसुङ्गामा यस वर्ष साउने मेला स्थगित गरिएको थियो ।

जिल्लाको सदरमुकाम तम्घासमाथिको अग्लो पहाडमा पर्ने ऐतिहासिक तपोभूमि रेसुङ्गामा मन्दिर ब्यवस्थापन समितिले साउनभर एक महिनासम्म मेला आयोजना गर्दथ्यो । तर यस वर्ष कसैले पूजा र दर्शन गर्न चाहे मन्दिर परिसरमा तोकिएको सीमा रेखाभित्र रहेर गर्न सकिने मन्दिरको पुजारीले बताएका छन् ।

विगतका साउन महिनामा दैनिक २ देखि ४ सयसम्म भत्तजनहरु मन्दिर तथा पोखरीमा नुहाउनको लागि पुग्ने गर्दथे । यस वर्ष भक्तजनको संख्या आधाले घटेको छ । साउन १ गते र साउने औंशी र एकादशीमा यहाँ विशेष मेला लाग्थ्यो ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D