gulminews logo
सोमबार, २०७९ श्रावण २३

व्यक्तिको निजी जग्गामा पाँच लाखको सरकारी भवन

हुमाकान्त पोखरेल
गुल्मी, २३ असार । गुल्मीमा व्यक्तिको जग्गामा सरकारी भवन बनाउन लागिएको छ । जिल्लाको चन्द्रकोट गाउँपालिका –२ विश्शुखर्कमा व्यक्तिको जग्गामा ‘भिरखानी सामुदायिक भवन’ बनाउन थालिएको हो । उक्त जग्गा स्थानीय लक्षमण गौतम, कृष्ण गौतम, गुणाखर गौतम र तुलसा गौतमको संयुक्त नाममा छ । तर वडा र शहरी विकास तथा भवन कार्यालयले मनपरी हिसाबले सरकारी रकम व्यक्तिको जग्गामा लगानी गरेको भन्दै स्थानीयले विरोध जनाएका छन् ।

‘कुनै कारणबस् जग्गा पास नभए त्यसको जिम्मा कसले लिन्छ ?’ नाम नभन्ने सर्तमा एक स्थानीयले भने, ‘व्यक्तिकै जग्गामा सरकारी रकम लगानी गरेर राज्यले रकम दुरुपयोग गरेको छ ।’ चालु आर्थिक बर्षका लागि शहरी विकास तथा भवन कार्यालय, पाल्पाबाट काम हुनेगरी विश्वुखर्कमा उक्त भवनको नाममा पाँच लाख बिनियोजन भएको थियो । कोटेशनबाट भएको काममध्ये अहिले पिलर उठाउने सम्मको काम भएको छ । कार्यालयका प्रमुख हरी भक्त श्रेष्ठले स्थानीय तहको वडाबाट बनाउने सिफारिस आएकोले काम सुरु भएको प्रतिक्रिया दिए । ‘स्थानीय तहबाटै काम गराउने पत्र आएकोले सुरु गरिएको हो ।’ उनले भने, ‘क्रमागत योजना हो, अहिले नै पुरा हुँदैन ।’

वडाध्यक्ष कमल केसीले भने मौखिक सहमतिका आधारमा भवन बनाउन लागिएको प्रतिक्रिया दिए । जग्गावाला सबै जापान भएको र नेपाल आउनेबित्तिकै जग्गा पास गर्ने र त्यसको जिम्मा आफुले लिने केसीले बताए । ‘त्यत्ति जग्गा पास गर्न मात्रै जापानबाट यहाँँ (चन्द्रकोट) आउनुहुन्न ।’ उनले भने, ‘उनीहरुका काठमाडौमा पनि घर छन्, अझै रकम चाहिए पनि दिने भन्नुभएको छ ।’ अहिलेको पाँच लाखबाट जग र पिल्लर राख्नेसम्मको मात्रै काम हुने केसीले बताए ।

यो पनि पढ्नुस्

तम्घासको सडक स्तरोन्नती गर्ने काम अधुरै, बजेटमा जस लिनेको होटबाजी, कार्यान्वयमा वेवास्ता

हुमाकान्त पोखरेलगुल्मी, १५ साउन । गुल्मी जिल्ला सदरमुकाम तम्घास बजारको सडक भत्किएकोले डेढ बर्षअघि मर्मत

पछिल्ला अप्डेट

सिफारिस

error: जान्नेले जसरी नि चोर्छन/सार्छन्, नजान्नेलाई खुच्चिङ :D