gulminews logo
बिहीबार, २०७९ असार १६

रेडियो धुर्कोटलाई स्वास्थ्य सामग्री हस्तान्तरण

गुल्मी, २८ वैशाख । सामुदायिक रेडियो धुर्कोट एफ्.एम्. १०२.२ मेगाहर्जलाई स्वास्थ्य सामग्री हस्तान्तरण गरिएको छ । नेपाल पत्रकार महासंघ, जिल्ला शाखा गुल्मीको समन्वय तथा धुर्कोट गाउँपालिकाको सहयोगमा स्वास्थ्य सामग्री हस्तान्तरण गरिएको हो ।

एक सय ओटा मास्क र एक लिटर चार सय मिलिलिटर सेनिटाइजर हस्तान्तरण गरिएको हो । गाउँपालिकाका स्वास्थ्य शाखा प्रमुख प्रेम खनाल, पत्रकार महासंघ गुल्मीका कार्यसमिति सदस्य हुमाकान्त पोखरेल, वडा नम्बर ४ जैसिथोकका वडा सचिव सुवास पन्थी लगायतले रेडियोका निमित्त स्टेशन म्यानेजर बासुदेव पोखरेललाई स्वास्थ्य सामग्री हस्तान्तरण गरेका हुन् ।

पत्रकार महासंघका कार्यसमिति सदस्य पोखरेलले सञ्चारमाध्यममा काम गर्ने सञ्चारकर्मीलाई कोभिडको उच्च जोखिम रहेको भन्दै सम्बन्धित स्थानीय तहसँग समन्वय गरी स्वास्थ्य सामग्री उपलब्ध गराइएको बताए । उनले गुल्मी जिल्लाभरका पालिकाहरुसँगको समन्वयमा जिल्लाका सबै सञ्चारमाध्यम र सञ्चारकर्मीलाई स्वास्थ्य सामग्री उपलब्ध गराउने जानकारी दिए । स्वास्थ्य संयोजक खनालले गाउँपालिकामा भएको रेडियोको लागि आवश्यक स्वास्थ्य सामग्री उपलब्ध गराउन आफुहरु तयार रहेको बताए ।

त्यस्तै रेडियोका निमित्त स्टेशन म्यानेजर बासुदेव पोखरेलले सहयोग गर्ने गाउँपालिका र समन्वय गर्ने पत्रकार महासंघलाई धन्यवाद् दिए । नेपाल पत्रकार महासंघ, गुल्मीले पछिल्लो समय अक्सिजन अभियान पनि सुरु गरेको छ । महासंघले रेसुङ्गा नगरपालिका र शुभ लक्ष्मी फर्माको सहयोगमा आफ्नै कार्यालयमा पत्रकार तथा सञ्चारकर्मीको लागि पाचँ शैयाको आइसोलेशन पनि तयार पारेको महासंघका सदस्य हुमाकान्त पोखरेलले जानकारी दिए । त्यसका साथै उनले कोही कसैले संक्रमित वा स्वास्थ्य संस्थालाई सहयोग गर्न चाहेमा पत्रकार महासंघले पुलको काम गर्ने पनि पत्रकार महासंघका कार्यसमिति सदस्य हुमाकान्त पोखरेलले बताए ।

यो पनि पढ्नुस्

बालबालिकालाई विद्यालयको पहुँचमा ल्याउन मुसिकोट नगरपालिकाको अभियान

सागर भण्डारीगुल्मी,असार १५ । गुल्मीको मुसिकोट नगरपालिकाले सबै बालबालिकालाई विद्यालयको पहुँचमा ल्याउन अभियान थालेको छ

पछिल्ला अप्डेट

सिफारिस

इतिहासको साँक्षी भार्सेको गोर्खा ग्यालरी, भिक्टोरिया क्रस पाउने रानादेखि भारतमा नेपाली पहिलो कर्णेल बुढाथोकी

टोपलाल अर्यालगुल्मी, ६ जेठ । नेपालका बिरलै गाउँ मध्येको भार्से गाउँ हो । जहाँ समुदाय

error: जान्नेले जसरी नि चोर्छन/सार्छन्, नजान्नेलाई खुच्चिङ :D