जिल्ला समाचार

यि हुन् धुर्कोट गाउँपालिकाले देशका अन्य स्थानिय निकायले भन्दा पहिला गरेका काम ….

प्रेम सुनार
जिल्लाका दुई नगरपालिकाले दिन नसकेको वाईफाई सेवा धुर्कोट गाउँ पालिकाले पहिलोपटक निशुल्क गर्ने निर्णय गर्‍यो । स्थानिय तह निर्वाचन पछि देशमै पहिलो पटक धुर्कोट गाउँपालिकाले प्रेस संयोजक नियुक्त गरे पछि अरु पालिकाहरुले पनि नियुक्त गर्न सुरु गरेका थिए ।

त्यसै गाउँपालिकाले विपन्न परिवारको खरको छानामा टिनको छाना लगाई दिने घोषणा गरेपछि अन्यत्र पनि यो अभियानलाई पछ्याईएको हो । सञ्चारकर्मीका रुपमा सदिऔं देखि गाउँको सेवा गर्दै आएका कटुवालहरुलाई त्यस गाउँपालिकाले देशमैं पहिलो पटक तलव तोके पछि मुसिकोट नगरपालिकाले पनि त्यसलाई पच्छ्याउँदै कटुवालहरुलाई तलव निर्धारण गर्ने भएको छ । अन्यत्र पनि यसवारे वहसको विषय बनिरहेको जनाईएको छ ।

जिल्लाका २ नगरपालिका र १० गाउँपालिका मध्ये जनप्रधिनिधीहरुले १ सय दिनमा गरेका काम पत्रकार भेटघाट गरेर सार्वजानिक गर्ने धुर्कोट गाउँपालिका पहिलो हो । कार्यक्रमका प्रमुख अतिथी पुर्व सांसद रुद्रमणी शर्मा भन्डारीले उक्त कार्यलाई पारदर्शीताका लागि जिल्लाकै नमुना भएको प्रतिकृया दिए ।

अर्का विशेष अतिथी कांग्रेसका युवा नेता छन्दबहादुर पहराईले उक्त कार्यलाई हुने विरुवाको चिल्लो पातको संज्ञा दिए । नेपाल शिक्षक संघका नेता प्रेमनारयण भण्डारीले गरिवका खरका झुपडीमा टिनको छाना लगाई दिने धुर्कोट गाउँपालिकाको पहिलो घोषणाले गाउँपालिकाको गरिवहरु प्रतिको गाम्भिर्यता प्रस्त्य्त गरेको छ । आगमी दिनमा पनि कसरी गरिवलाई उकास्न सकिन्छ भन्ने मै दत्तचित्त रहन बक्ताहरुले सुझाव दिए ।

उपप्रमुख शिवबहादुर खत्रीले ईच्छा शक्ति र जनप्रतिनिधीहरुमा एकमत भएरै सय दिनमा कल्पना गर्न नसकिएको काम गर्न सकिएको र आफुहरुले चुनावताका बोलेका कुराहरु पुरा गर्ने गरी योजना बनाईएको जानकारी दिए । धुर्कोटका प्रमुख र उपप्रमुख सहोदर दाजु भाई जस्तै मिलेर काम गरी रहेका छन् । नेता पहराईले यि दुई विच पिरती निकै झाँङ्गिएकोले नै काममा यो परिणाम निस्कीएको प्रतिकृया दिए ।

थप देखाउनुहोस्
यो पनि पढ्नुहोस्:
Close
Back to top button
error: जान्नेले जसरी नि चोर्छन/सार्छन्, नजान्नेलाई खुच्चिङ :D